Ach anois, tá an t-idirlíon ann, clódóireacht, teileafóin phóca agus dlúthdhioscaí, agus tá podchraoladh agus físchraoladh á n-úsáid againn ag www.

Go deimhin, tá nuachtáin áirithe – *Lá Nua* ina measc – ag tairiscint podchraoladh fuaime óna gcuid suíomhanna idirlín.

Tá an nuachtán iomlán – agus podchraoladh leis – ar fáil ar líne gach lá, an t-aon nuachtán laethúil in Éirinn a dhéanann a leithéid.

Spreagann an ráiteas sin an chéad cheist eile: an bhfuil an locht ar an nuachtán féin? An amhlaidh nach bhfuil an táirge maith go leor chun go mbeadh fonn ar dhaoine é a cheannach? Go pearsanta, is breá liom cuid de *Lá Nua*: an dearadh ildaite agus tarraingteach; na colúin pholaitiúla le leithéidí Sheáin Uí Thuairisg; an podchraoladh laethúil, na colúin a scríobhann Conn Ó Muíneacháin ar chúrsaí blagadóireachta agus Idirlín; an deis a thugtar d’iriseoirí óga dála Mheadhbh Ní Eadhra; leideanna gnó Mháirtín Uí Mhuilleoir.